ថ្ងៃនេះខ្ញុំបានជូនការដូរមួយដែលខ្ញុំប៉ងប្រថ្នាជាយូមកហើយសម្រាប់ខ្លួនខ្ញុំក្នុងឱកាសចូលឆ្នាំ ប្រពៃណីជាតិខ្មែរឆ្នាំរោងដែលនឹងចូលមកដល់នៅថ្ងៃទី១៣-១៤-១៥ ខែមេសា ខាងមុកនេះ ។ គោលបំណង់ដែលប៉ងចង់ទិញ Laptop តាំងពីរៀននៅឆ្នាំទីមួយកមកម្លេះហើយនៅពេលនេះ បានសម្រេច ហើយទោះបីវាយឺតបន្តិចក៏ដោយតែខ្ញុំសប្បាយចិត្តខ្លាំងណាស់ព្រោះវាកើតឡើង ពីការសន្សំរបស់ខ្ញុំ ហើយគោលបំណងតំាងពីឆ្នាំទីមួយខ្ញុំធ្វើវាបានសម្រេចហើយ ។
កាលពីម្សិលម៉ិញនេះខ្ញុំបានស្ដាប់ប៉ុស វិទ្យុអូស្រ្តាលីក្នុងកម្មវិធីកម្រងវប្បធម៌សង្គម គេបានផ្សាយថារដ្ឋាភិបាលសំណូមពរ ឈប់ឱ្យមានរូបថតឱបគ្នា នៅក្នុងមង្គលការទៀតមូលហេតុគឺ ៖
– ១. នេះមិនមែនជាប្រពៃណីខ្មែរនោះទេវាគ្រាន់តែជាការច្នៃប្រឌិតរបស់ម្ចាស់សម្អាងការ និងជាងថតរូបដើម្បីឱ្យបានលុយច្រើនតែប៉ុន្នោះ។
– ២. បើតាមប្រពៃណីខ្មែរដ៏ល្អគឺកូនកម្លោះកូនក្រមុំមិនទានជាប្ដីប្រពន្ធនៅឡើយហើយមិនអាចឱបគ្នាបានទេ (តែពេលបច្ចុប្បន្នគេនៅជាមួយគ្នាយកកូនចេញពីរបីហើយបានការផង «នេះខ្ញុំបញ្ចេញយោបលខ្លួនឯងទេ») ។
-៣. យើងត្រូវនាំគ្នាថែរក្សាសម្បត្តិវប្បធម៌ដ៏ល្អផូផង់របស់ខ្មែរឱ្យបានគង់វង់ (តែបែជាលុបលាងជើងទៅវិញ ប្រហែលជាមិនមែនសម្បត្តិវប្បធម៌ខ្មែរទេមើលទៅ) ។
សូមបញ្ជាក់ថាមកទល់សព្វថ្ងៃនេះក្រសួងវប្បធម៌ និងក្រសួងធម្មការបានប្រកាលសំណូមពរឱ្យលុបបំបាត់ពិធីបួនហើយគឺ ពិធីលាងជើង ពិធីកាត់នំ ពិធីកូនក្រមុំទៅទទួលផ្កាស្លា និង ចុងក្រោយការដាក់រូបថតឱបគ្នារបស់កូនកម្លោះកូនក្រមុំនៅមុខរោងការ ។ ហើយមិនមានការផាកពិន័យដូចពាក្យចចាមអារាមនោះទេ ។ បើម្ចាស់ខ្លួនចង់ធ្វើក៍ធ្វើទៅ ។ កាលពីថ្ងៃទី១១ ខែមីនា ឆ្នាំ២០១២ ខ្ញុំបានទៅការមិត្តភក្តិជិតស្និតនៅឯខេត្តក្រចេះ ឪពុកម្ដាយខាងកូនក្រមុំបានឱ្យអាចារ្យធ្វើពិធីកូនក្រមុំចេញមកទទួលកូនកម្លោះ និង ផ្កាស្លាគ្រាន់តែមិនមាន ពាក់កម្រងផ្កា (នេះបញ្ជាក់ថាខ្មែរកំពុងតែវិលវល់ដូចអក្សរសាស្រ្តដែរហើយ) និង នៅថ្ងៃទី២៤ ខែមីនា ឆ្នាំ ២០១២ ការមិត្តភក្តិខ្ញុំនៅភ្នំពេញដែលស៊ីនៅភោជនីយដ្ឋានពិភពថ្មីគឺមានពិធីកាត់នំ ។ តើគិតដូចម្ដេចដែរ?
នៅលើលោកនេះតើមានកន្លែងណាដែលអាចធ្វើឲ្យចិត្តរបស់លោកអ្នកស្ងប់សុខឬទេ ?
សម្រាប់រូបខ្ញុំ គ្មានទេ គ្មានកន្លែងណាមួយលើលោកនេះដែលផ្តល់ភាពកក់ក្តៅ ភាពសប្បាយរីករាយជាងផ្ទះរបស់យើងបានទេ ហើយខ្ញុំក៏គិតថា បងប្អូនរាល់គ្នាក៏គិតដូចជាខ្ញុំដែរ ។ កាលពីមុនខ្ញុំតែងតែគិត ថាចង់បានគ្រួសារមួយដែលយល់ចិត្តគ្នា ស្គាល់ទុក្ខធុរៈ និង អត់អោនឲ្យគ្នាទៅវិញទៅមក ។ បំណងប្រាថ្នារបស់ខ្ញុំក៏បានសម្រេច។ តែក្រោយមកខ្ញុំត្រូវឃ្លាតឆ្ងាយពីកូនស្រីទាំងពីរ ពេលនោះខ្ញុំតែងតែស្រម័យថា បើបានកូន ៗ មកនៅក្បែរ ខ្ញុំពិតជាក្លាយជាមនុស្សដែលមានសំណាងបំផុតព្រោះស្វាមីក៏ពូកែថ្នាក់ថ្នមចិត្ត ព្រមទាំងមានកូនស្រីជាទីស្រឡាញ់2នាក់ទៀត នោះហើយជាសេចក្តីសុខដែលខ្ញុំ និង មនុស្សស្រីលើលោកនេះប្រាថ្នាចង់បានគ្រប់ ៗ គ្នា ។
តែពេលនេះវាមិនបានដូចចិត្តដែលគិតនោះទេ ព្រោះពេលនេះខ្ញុំកំពុងមានជម្ងឺម្យ៉ាងដែលតែងតែកើតមានឡើងចំពោះមនុស្សដែលឃ្លាតឆ្ងាយពីផ្ទះគ្រប់ ៗ គ្នា ។ ពេលខ្លះខ្ញុំសួរខ្លួនឯងថា តើនៅឯផ្ទះមានអ្វីទៅហ្ន៎បានជាទាក់ទាញចិត្តខ្ញុំខ្លាំងម្លេះ ? តើខ្ញុំនឹកផ្ទះ ឬ នឹកមនុស្សនៅឯផ្ទះ ?
ពេលនេះទើបខ្ញុំដឹងថាផ្ទះ និង មនុស្សដែលនៅជុំវិញខ្ញុំ គឺជាឱសថទិព្វដែលជួយឲ្យមនុស្សយើង មានកម្លាំងចិត្តតស៊ូ គ្រប់បញ្ហាផ្សេង ៗ ដែលកើតមានឡើងចំពោះយើង ។
“ផ្ទះជាទីស្រឡាញ់មិនយូរទេ ខ្ញុំនឹងបានទៅឃើញអ្នកហើយ ។ ខ្ញុំពិតជាចង់ដឹងណាស់ថា តើពេលនេះរូបរាងរបស់អ្នកនៅតែស្រស់ស្អាត គួរជាទីទាក់ភ្នែកអ្នកផងទៀតដែរឬទេ ? ឬ មួយអ្នកចាស់ទ្រុឌទ្រោម ទៅតាមវ័យដូចជារូបខ្ញុំដែរហើយមែនទេ ? ”
ទោះបីជាអ្នកប្រែប្រួល ផ្លាស់ប្តូរយ៉ាងណាអ្នកនៅតែជាវត្ថុដ៏មានតម្លៃបំផុតសម្រាប់ជីវិតរបស់ខ្ញុំ ។ …
នៅពេល ឮបង somada និយាយពីចាស់ទុំកាច់ ខ្ញុំក៏នឹកឃើញដល់វប្បធម៌ និងអរិយធម៌ខ្មែរ ។ នៅពេលនេះខ្ញុំសូមនាំអ្នកភូមិយើងក្រឡេកទៅមើលវប្បធម៌ខ្មែរយើងទៅលើពិធីសែនមេបាសាកមើល ។
ការប្រព្រឹត្តខុសមេបាចែកចេញជា ៣ បែបគឺ ៖
១. មេបាចាស់ទុំ ៖
គឺបញ្ហានេះជាបម្រាមដល់បងប្អូនទាំងប្រាំពីរសន្ដានក្នុងការទាស់ទែងខ្វែងគំនិតគ្នាបើមានខុស ហើយនោះគ្រួសារនោះនឹងមានជំងឺ ។ ហេតុនេះបងប្អូនទាំងនោះត្រូវមកជួបជុំ គ្នាដើម្បីរៀបចំពិធីសុំខមាទោសមេបាឱ្យឈប់ខឹង ឈប់ប្រកាន់កូនចៅទៀតហើយសន្យាថា ឈប់ឈ្លោះទាស់ទែងគ្នាទៀត ។
២. ខុសមេបាក្រមុំ កំលោះ ៖
សំដៅទៅលើការបំពានរបស់ក្រមុំ កំលោះក្នុងផ្នែកសីលធម៌ គឺការលួចទាក់ទងគ្នាប្រព្រឹត្តខុសប្រពៃណីមិនឱ្យម្ដាយឪពុកដឹង ។ មេបាខឹងសម្បារក៏អាចធ្វើឱ្យសមាជិកនៃគ្រួសារបងប្អូនខាងស្រីណាមួយមានជំងឺ ។ ពេលដឹងនូវនារីដែលធ្វើខុសនោះគេហៅនារីនោះទៅសែនព្រេនសុំទោស និងសុំឱ្យអ្នកជំងឺជាសះស្បើយ ។
៣. ខុសមេបាផ្កាប់មុខឬ បិទមុខ ៖
សំដៅលើការប្រព្រឹត្តខុសរបស់ស្ត្រីដែលមានប្ដីហើយលួចទៅមានសាហាយ ។ ធ្វើឱ្យមេបាខឹងសម្បារក៏អាចធ្វើឱ្យសមាជិកនៃគ្រួសារបងប្អូនខាងស្រីណាមួយមានជំងឺ ។ មេបាផ្កាប់មុខគេពិបាករកមុខស្ត្រីដែលខុសនោះណាស់ព្រោះនាងមានប្ដី ។
គេទាំងអស់គ្នានាំគ្នាថាជួយថែរក្សាប្រពៃណីខ្មែរ ជួយថែរក្សាប្រពៃណីខ្មែរ តែបែជាលុប្រពៃណីទំនៀមទំលាប់ខ្មែរទៅវិញ ។
ខ្ញុំបានទៅចូលរួមពិធីមង្គលការរបស់មិត្តភក្តិជិតស្និទម្នាក់ បានចាប់អារម្មណ៍ឃើញថាពិធីមង្គលការ ឥឡូវអត់មានពិធីលាងជើងទៀតទេ មានន័យថាគេបំបាត់ហើយ ។ ព្រោះនៅពេលបច្ចុប្បន្នវាមិនសមស្រប ទៅនឹងសង្គម ។ ចឹងគេមិននាំគ្នាលុបពិធីការដែរទៅ ព្រោះម្នាក់ការអស់លុយច្រើនណាស់ដែរ ។ ហើយប្រកាសឱ្យគែមិនចាំបាច់ការមួយប្រទេសតែម្ដងទៅពិតជាល្អខ្លាំងណាស់ ។
ខ្ញុំមានបទចម្រៀងក្នុងដួងចិត្តមួយបទក្រោយពេលមករៀននៅក្នុងទីក្រុងភ្នំពេញ ។ បទនេះច្រៀងដោយ ឆន សុវណ្ណារាជ និងនិពន្ធទំនុកច្រៀងដោយអ្នកភូមិផងរបងជាមួយគ្នា គឺ អ្នកនិពន្ធ សុខ ចាន់ផល ។ ខ្ញុំបានមករៀននៅក្នុងទីក្រុងភ្នំពេញមានគោលបំណងមួយគឺចង់ក្លាយជាគ្រូវិទ្យាល័យ ។ មានមិត្តភក្តិខ្ញុំជាច្រើនតែងថាឱ្យខ្ញុំធ្វើគ្រូធ្វើអ្វី ការងារមាគោគកមិនធ្វើទៅចង់ធ្វើជាគ្រូបង្រៀនទៅវិញ មែនហើយខ្ញុំក៏ឆ្ងល់ខ្លួនឯងដែរហេតុអ្វីបានជាចង់ធ្វើជាគ្រូ តែវាជាចំណង់ចំណូលចិត្តរបស់ខ្ញុំតាំងពីតួច ហើយដល់ធំហើយក៍នៅមិន កែ ប្រែទៀត ។ ខ្ញុំតែងតែមើលបទនេះនៅពេលដែលខ្ញុំពិបាកចិត្តឬជួបនូវឧបស័ក្កមួយចំនួន ឥឡូវខ្ញុំបានសម្រេចគោលបំណងរបស់ខ្ញុំហើយ គឺប្រឡងជាប់ជាគ្រូវិទ្យាល័យ និងបានទៅបង្រៀននៅខេត្តខ្លួនវិញ ។
គួរអោយស្តាយណាស់ដាក់បទចម្រៀងខារ៉ាអូខេចូលអត់បានទេ ។
ដើររកស៊ីតាមខេត្តចោលផ្ទះអស់រយៈពេលជាច្រើនខែមកហើយ ។ ទើបតែថ្ងៃនេះបានមកមើលសិតតាសំបុកពីងពាង ។ មិនដឹងជាបងប្អូនក្នុងភូមិ WordPress នេះភ្លេចខ្ញុំ រឺនៅទេ!
ខ្ញុំជាអ្នកចូលមើលការាអូខេណាស់ជាពិសេសនោះគឺរបស់ផលិតកម្មរស្មីហង្សមាសតែម្តង់ ។
ប៉ុន្តែការសម្តែងថ្មីៗនេះហាក់ដូចជាទំនើបកម្មបន្តិចតាមខ្ញុំគិតទៅ ទាំងផលិតកម្មហង្សមាសទាំងផលិតកម្មផ្សេងៗទៀត ។
មើលទៅគូស្នេហាក្នុងការសំដែងគឺ ហាក់ដូចជានៅជាមួយគ្នាមុនហើយពួកគេក្បត់ចិត្តទៅរកគូសង្សាថ្មីៗផ្សេងៗតាមចិត្តចង់ ។ ការសំដែងទាំងនេះវាពិតជាមិនចម្លែកទេសម្រាប់អ្នកនៅភ្នំពេញ រឺ ក្រុងមួយចំនួនទៀត តែវាពិតជាចំឡែកណាស់សំរាប់អ្នកស្រែចម្ការហើយខ្ញុំគិតថាការសម្តែងបែបនេះវាធ្វើអោយយុវ័យគិតថាការរស់នៅជាមួយគ្នាមុនពេលរៀបការជារឿងធម្មតា ហើយការរកគូរសង្សាថ្មី(ការផ្លាស់ប្តូរសង្សា)ទៅជារឿងធម្មតា ដែលវាក៍ជាមួលហេតុនៃការចម្លងមេរោកអេដស៍ផងដែរ ម្យ៉ាងវិញទៀតវាក៍ប្រាសចាកពីប្រពៃណីរបស់ខ្មែរផងដែរ ។
បងប្អូនណាចេះសូមជួយខ្ញុំផងខ្ញុំមានបញ្ហាមួយគឺចង់តំរៀប រឺ Sort អក្សរខ្មែរ Unicode ទៅតាមតួអក្សរនៅក្នុងកម្មវិធី Access 2007
សុំជួយខ្ញុំផង !
ថ្ងៃនេះបានមើល Karaoke តារាចម្រៀងក្នុងដួងចិត្តរបស់ខ្ញុំ គឺព្រាបសុវត្តិ ដែលមានចំណងជើងថា ក្រៅពីអូនមិនយកប្រពន្ធ មើលយូៗទៅដូចជាចូលមនោសញ្ចេតនា គិតថាខ្លួនឯងកំពង់សន្ថិតនៅលើរូបព្រាបសុវត្តិ តែដល់ពេលមើលចប់បួនប្រាំដង ក៍នឹកឃើញតួរស្រីនឹង សើចហើយញាក់ភ្នែកដាក់ព្រាបសុវត្តិ ធ្វើអោយខ្ញុំឆ្ងល់ថា តើមនុស្សស្រី រឺ សង្សាយើងញាក់ភ្នែកដាក់យើងមានន័យដូចម្តេចទៅ? បើបងប្អូនណាដឹងសូមជួយប្រាប់ខ្ញុំផង ……….. 🙂 ។
កំរងអនុស្សាវរីយ៍សម្ផស្ស 