អ្នក​ណា​ខ្លះ​ជាចោរ ?

នៅពេលបច្ចុប្បន្នខ្ញុំតែងតែឮពីមាត់មួយទៅមាត់មួយ ពីសារព័ត៌មានមួយទៅសារព័ត៌មានមួយថា ផលិតកម្មខ្មែរ ឬអ្នកនិពន្ធទំនុកច្រៀង និងបទភ្លេងចូលចិត្តលួចបទបរទេសមកបកប្រែណាស់ ។ គឺពួកគាត់មិនគិតរកអ្វីថ្មី ឬព្យាយាមនិពន្ធដោយខ្លួនឯងទេ ។ ហើយមានផលិតកម្មខ្លះនោះពេលឃើញផលិតកម្មមួយទៀតបកប្រែបទបរទេសល្បី ខ្លួនឯងចង់ល្បី បែរជាកាឡៃបទរបស់គេ ហើយមកឆ្លងឆ្លើយសាច់រឿងក្រែងខ្លួននឹងល្បីដែរ អានេះវារឹតតែថោកសែនថោកទៅទៀតហើយ ។ ឧទាហរណ៍ ៖ ដូចជាផលិតកម្ម M  មានបទ«បើសិនជាអាចឈប់Call មកអូន» ដែលឃើញផលិតកម្មរស្មីហង្សមាសបទគេបកប្រែល្បី «Call មកបងពេលគេបោះបង់អូន» ។ តែទោះជាយ៉ាងណាក៏មហាជនថាផលិតកម្មទាំងអស់នេះគឺលួចចំឡងបទរបស់គេ(បទបរទេស) ។ មែនបើយើងមើលទៅឃើញអញ្ចឹងមែនបទភាគច្រើនគឺចម្លងពីបរទេស ។ ប៉ុន្តែអ្នកស្តាប់ទាំងអស់មើលឃើញតែកំហុសរបស់ផលិតកម្មមិនឃើញពីកំហុសរបស់ខ្លួនឯង ។ មិនជួយទិញស៊ីឌី ស៊ីនទេទិញតែស៊ីដី កូពី អ្នកខ្លះ Download ពីInternet ឯអ្នកខ្លះទៀតអាងមានកុំព្យូទ័រ ចម្លងតៗគ្នា តើទង្វើរបែបនេះអាចថាជាចោរបានដែរឬទេ ? ខ្លួនយើងមិនកែប្រែតែបែជាចង់ឱ្យគេកែទៅវិញ ។